सिन्नर माविआ चे विधानसभा उमेदवारी मा. बाळासाहेब थोरात यांनी करावी – विनायक सांगळे
सिन्नर माविआ चे विधानसभा उमेदवारी मा. बाळासाहेब थोरात यांनी करावी – विनायक सांगळे
सिन्नर | गुरु न्यूज नेटवर्क : www.gurunews.co.in
सिन्नर तालुका काँग्रेसकमिटीची महत्वपूर्ण बैठक 25 जुलै 2024 रोजी दुपारी 12 वाजता झाली. त्यावेळी मा. बाळासाहेब थोरात यांनी सिन्नर मधून आमदारकी लढवावी, त्यांना निवडून आणण्याची जबाबदारी आम्ही पूर्ण करू असे तालुका काँग्रेस कमिटीचे अध्यक्ष विनायक सुदाम सांगळे यांच्या अध्येक्षतेखाली शासकीय विश्राम गृह या ठिकाणी संपन्न झालेल्या बैठकीत निर्णय घेण्यात आला.
या बैठकीत प्रामुख्याने खालील विषयावर चर्चा व ठराव सहमत झाले असल्याची माहिती सांगळे यांनी दिली. यात प्रामुख्याने येत्या विधानसभा निवडणुका या दोन महिन्यावर आल्या आहेत, त्यामुळे सिन्नर विधानसभा मतदारसंघ ही काँग्रेसची जागा होती व ती मागील निवडणुकीत काँग्रेसने ती राष्ट्रवादी काँग्रेस करिता सोडून या ठिकाणी आमदार माणिकराव कोकाटे यांना देऊन त्यांना निडणुकीत विजय मिळवण्यासाठी काँग्रेसने योगदान दिले. परंतु फारशी सन्मानपूर्वक वागणूक न मिळाल्यामुळे संपूर्ण काँग्रेसने हा निर्णय घेऊन प्रदेश काँग्रेसला कळवण्यात येणार असून, सिन्नरची जागा ही काँग्रेसची हक्काची जागा असून, ती काँग्रेसला मिळावी असा ठराव करण्यात आला. प्रामुख्याने या बैठकीत संभाव्य विधानसभा उमेदवार बद्दल चर्चा झाली. विनायक सांगळे यांनी उमेदवारी करावी असे मत सगळयानी मांडले परंतु, सांगळे यांनी अशी भूमिका मांडली की, सिन्नर विधानसभेची जागा प्रदेशाकाँग्रेस ने महाविकास आघाडीत काँग्रेस करित्ता सोडवावी व सिन्नर विधानसभा मतदारसंगातून राज्याचे प्रमुख व देशाचे काँग्रेस चे प्रमुख नेते राज्याचे काँग्रेस विधीमंडळ नेते माननीय श्री. बाळासाहेब थोरात यांनी संगमनेर मधून विधानसभा लढविन्या ऐवजी सिन्नर मधून विधानसभा लढवावी. व सिन्नर विधानसभा उमेदवारी संबधी सर्व अधिकार थोरात साहेबाना देण्यात यावे असे बोलून त्यावर चर्चा करून या बाबद ठराव करून प्रदेश काँग्रेसला कळवावा असा ठराव करण्यात आला. येत्या लोकसभेसाठी तालुका काँग्रेस नाही तर संपूर्ण ज़िल्यातील काँग्रेस जणांनी जी मोलाची साथ देऊन महाविकास आघाडीचे सर्वांचे लाडके उमेदवार जनसेवक राजाभाऊ यांना निवडून आणण्यासाठी खूप मेहनत घेतली त्या सर्वांचे अभिनंदन व आभार बाबद ठराव करण्यात आला. त्याचप्रमाणे नाशिक लोकसभेसाठी निवडून आलेले राजाभाऊ वाजे यांना निवडणुकीत मोठ्या फरकाने विजय मिळवल्या बद्दल त्यांच्या अभिनंदनचा ठराव या बैठकीत करण्यात आला. प्रामुख्याने या बैठकीत नाशिक जिल्ह्यातील माननीय शोभाताई बच्छाव यांनी धुळे लोकसभा निवडणुकीत विजय मिळवल्याबद्दल त्यांचाही अभिनंदन जणांचा ठराव करण्यात आला, त्याचप्रमाणे नाशिक जिल्हा युवक काँग्रेसचे अध्यक्ष म्हणून श्री. गौरव राजाराम पानगव्हाणे यांची निवड झाल्याबद्दल त्यांचा सत्कार व अभिनंदनचा ठराव करण्यात आला. येत्या काळातील विधानसभेच्या निवडणुकीला सामोरे जाताना विशेष करून बूथ कमिटीचे काम पूर्ण करण्यात यावे असे ठरवण्यात आले. राज्यातील शेतकरी हा खूप संकटात असून, राज्य सरकारने संपूर्ण शेतकऱ्यांचे कर्ज सरसकट माफ करावे. यावेळी सिन्नर तालुका काँग्रेसचे अध्यक्ष विनायक सांगळे, शहराध्यक्ष मुजाहिद खतीब , जिल्हा युवक चे अध्यक्ष गौरव दादा पानगव्हाणे ,उदय जाधव ,अश्फाक शेख ,दिनेश चोथवे ,बाळासाहेब गोरडे ,संतोष जोशी ,तालुका अल्पसंख्यांकाचे अध्यक्ष झाकीरभाई शेख ,तालुका युवक चे अध्यक्ष तेजस आव्हाड ,शहर युवक चे अध्यक्ष जयदीप देशमुख ,मंगेश काकड, रोशन वाघ ,वैद्यकीय सेलचे अध्यक्ष डॉक्टर आनंदा सानप ,मनोज कपूर ,भावेश शिंदे ,हेमंत क्षीरसागर ,सुनील सोनवणे,शबीर शेख, अंबादास भालेराव, गोरख साळवे, भीमसेन साळवे, नवनाथ साळवे, रोशन वाघ, अतुल डुंबरे, डॉ. नवनाथ चव्हाण आदी मान्यवर मोठ्या संख्येने उपस्थित होते.
