वेध मतमोजणीचे, आणि आपला पक्ष “मित्रपक्ष “
गुरु न्यूज नेटवर्क : www.gurunews.co.in
गेल्या वीस बावीस दिवसापासून निवडणूक धामधूम सुरु होती. आणि दि. २० नोव्हेंबर २०२४ रोजी विधानसभा निवडणुकीचे मतदान झालेले आहे. आणि दि. २३ नोव्हेंबर २०२४ रोजी मतमोजणी सकाळी सुरु होईल, आणि दुपारपर्यंत सर्व निकाल स्पष्ट होतीलच. त्यात कोण विजय तर कोण पराजित होईल. निवडणूक आली म्हणजे जय – पराजय हा निश्चित असतो.
त्यामुळे कुठलाच कार्यकर्ता हा चुकीचा नसतो,जो तो त्याच्या आवडत्या नेत्याच्या वक्तृत्व, नेतृत्व, आणि कार्यशैलीच्या विचारसरणीने प्रेरित असल्यामुळे त्या नेत्याचा समर्थक असतो. पण त्या समर्थनाच्या नादात तो आपले मित्र, नातेसंबंध, आपल्या सुखदु:खात मदत करणारे, यांना सुद्धा शत्रू समजू लागतो. त्यामुळे जो निकाल लागेल तो मान्य करून निकालामुळे आपले वैयक्तिक हितसंबंध बिघडू नयेत, याची काळजी प्रत्येकाने घ्यावी. कोणालाही काही वाईट बोलुन संबंध बिघडवू नका.अथवा टोमने मारणे, चमचे वगैरे म्हणून हिनवू नका, सगळ्यांना मित्रच म्हणा. ही विनंती आहे. शेवटी कुणीतरी एकच उमेदवार जिंकणार, हार जित होत राहणार. आपला मात्र एकच पक्ष असेल तो मात्र आयुष्यभर आपल्या सोबत राहणार आहे. हे विसरून चालणार नाही.
तो म्हणजे ” मित्रपक्ष”
