सिन्नर सार्वजनिक वाचनालयाच्या ५२ व्या ग्रंथालय सप्ताहास आज पासून सुरुवात

सिन्नर सार्वजनिक वाचनालयाच्या ५२ व्या ग्रंथालय सप्ताहास आज पासून सुरुवात

सिन्नर सार्वजनिक वाचनालयाच्या ५२ व्या ग्रंथालय सप्ताहास सोमवार दि. 02 डिसेंबर 2024 पासून सुरुवात होत असून, रविवार दि. 08 डिसेंबर 2024 पर्यंत चालणाऱ्या या व्याख्यानमालेत रोज सायंकाळी ६ वाजता नामवंतांचे व्याख्यान होणार आहेत.

सोमवार दि. 2 रोजी ‘छत्रपती ते घटनापती’ या विषयावर प्रा. जावेद शेख यांचे व्याख्यान होणार आहे. नाशिक येथील डीएड महाविद्यालयाचे सेवानिवृत्त प्राचार्य एस. एम. पाटील यांनी हा कार्यक्रम प्रायोजित केला आहे.

मंगळवार दि. ३, ‘डॉक्टर ऑन अ वॉर फ्रंट’ या विषयावर नाशिक येथील सुप्रसिद्ध अस्थिरोगतज्ज्ञ व नाशिक शिक्षण प्रसारक मंडळाचे अध्यक्ष डॉ. भरत केळकर बोलणार आहेत. 

जेष्ठ पत्रकार गो. ना. गुजराथी 24 व्या वार्षिक स्मृती व्याख्यानमालेचे व्याख्याते डॉ. श्री. भरत केळकर, नाशिक. यांचे व्याख्यान होईल.

*डॉक्टर्स विदाऊट बॉर्डर्स ह्या स्वायत्त संस्थेत व्हॉलनटरी सर्जन म्हणून डॉक्टर भरत केळकर यांनी आपला सहभाग नोंदवला होता. ह्या संस्थेच्या माध्यमातून सिरिया येथील युद्धग्रस्त भागात जखमींवर उपचार करण्यासाठी डॉक्टर केळकर आपला जीव धोक्यात घालून स्वतःहून सिरियाला गेले होते. त्यावेळी त्यांना आलेले चित्तथरारक अनुभव डिजीटल प्रेझेंटेशन द्वारे सांगणार आहेत. असे व्याख्यान ऐकण्या बरोबरच बघण्याचा योग दुर्मिळ…!

हे आगळे वेगळे व्याख्यान ऐकण्यासाठी आणि घडलेल्या घटना प्रत्यक्ष बघण्यासाठी सर्वांनी उपस्थित रहावे, असे आवाहान या व्याख्यानाचे प्रायोजक :- सी. ए. श्री. मिलींद गो. गुजराथी व श्री. ईशान मिलींद गुजराथी यांनी केले आहे.

बुधवार दि. ४, ‘या जगण्यावर शतदा प्रेम करावे’ हा विषय कोल्हापूर येथील प्रा. युवराज पाटील हे मांडतील. तेजस्विनी हेमंत वाजे यांनी हे व्याख्यान आयोजित केले आहे.

गुरुवार दि. ५, छत्रपती संभाजीनगर येथील हास्यकवी डॉ. विष्णू सुरासे हे ‘हास्यतरंग’ हा कार्यक्रम सादर करणार आहे. सिटी फ्रेशमॉलचे मिलिंद गुजराथी यांनी हा कार्यक्रम प्रायोजित केला आहे.

शुक्रवार दि.६, राज्याचे सहकार आयुक्त अनिल कवडे ‘सामाजिक मूल्य’ या विषयावर विचार मांडतील. लोकनेते शं. बा. वाजे पतसंस्थेने हा कार्यक्रम प्रायोजित केला आहे.

शनिवार दि. ७, बीड येथील अविनाश भारती यांचे ‘आई वडील आणि कुटुंब’ या विषयावर प्रबोधन करणार आहे. महेंद्र परदेशी हे प्रायोजक आहेत.

रविवार दि. ८, पुणे येथील सचिन पवार हे ‘संतांनी समाजाला काय दिले’ या विषयावर बोलणार आहेत. मनीष व करण गुजराथी यांनी हे समारोपाचे व्याख्यान प्रायोजित केले आहे. रसिक श्रोत्यांनी ग्रंथालय सप्ताहातील रोजच्या व्याख्यानास मोठ्या संख्येने उपस्थित रहावे, असे आवाहन सिन्नर सार्वजनिक वाचनालयाचे अध्यक्ष कृष्णाजी भगत, कार्यवाह हेमंत वाजे व संचालकांनी केले आहे.